(1)
ميم : تصدق ؟ تعودت كل يوم أمرّ بطريقي للجامعة ستاربكس , آخذ كوفي ( وأدز ) عاد .
أنا : حلوة قهوته .
ميم : أنت الحلو والله .
أنا : تسلم .
ميم : تخليك تصحصح للمحاضرات , بس معانا طالب يغثني كل صبح , مايشوفني ماسك القهوة الا يقولي ليه تشرب منه ؟ ماتدري إنه يهودي ويدعم اسرائيل ؟
أنا : ( بعد ضحكة ) طيب وش تقول له ؟
ميم : أقول للخبل هذا لو كان يدعم اسرائيل ماسمحت الدولة إنه يفتح عندنا , والا شرايك يامنص ؟ أنت سياسي وفاهم .
أنا : ماعليك منه , أهم شيء إنك مبسوط بقهوتك وبس : )
ميم : اي أدري بس ياخي الأشكال هذي تـ.. بجوك ! ويستغربون ليه حنا عالم ثالث ! والله العالم الستين بعد . طيب تذكر لما نروح جافا تايم أنا وأنت ونلقاهم مشخبطين على كل صور البنات بالمجلات اللي عندهم , بالله شرايك بالحركة يامنص ؟
أنا : اي مالها داعي .
ميم : مرة مالها داعي . ترى هذا هو التطرف يامنصور , كرهت أجي المحل من بعدها بسببهم ! بس بصراحة الشاي حقهم حلو .
أنا : أنت الحلو والله .
ميم : تسلم .
(2)
ميم : منصور أبعطيك نصيحة .
أنا : أيوه ؟
ميم : أنصحك ماتتزوج سعودية أبد .
أنا : ليه ؟
ميم : ياخي السعوديات نفسيات !
أنا : ( ضحكة طويلة )
ميم : والله من جد , السعودية مايعجبها شيء , وتجيك شايفة نفسها ماتدري على وش هي وركبها السود .
أنا : ( ضحكة أطول ) . طيب شرايك نتزوج أنا وأنت لبنانيات خوات ؟
ميم : قدااااااااام . شو هيدا يا ألبي . تفتح نفسك ياشيخ ههههه
(3)
ميم : تدري منصور وش أمنيتي ؟
أنا : وش يابعدي : )
ميم : أمنيتي أصير سيناتور . وعن ولاية نيويورك , زي كلينتون كذا . هواااا
أنا : تبي الصدق ؟ يمديك تصير سيناتور بأمريكا وأنت أصلك سعودي أسهل من إنك تصير عضو مجلس شورى هنا ! وياليت تحل وتربط , هناك عالأقل السيناتور يقابل رؤساء العالم ويرسم سياسات وله نفوذ ..
ميم : سياسات وبس ! تحسبهم زي اللي هنا ( … ) قاعد ! ههههههههه ياخي أمريكا عز ! مشينا نتقهوى بس , تعرف السيناتور الله يحييك لازم يكيّف الراس .
(4)
ميم : تدري منصور إنك أعجبتني ذاك اليوم ؟
أنا : متى ؟
ميم : يوم تقول لخالي لما كان يوريك خبر بايخ بالجريدة : أنا ما ألتفت لسفاسف الأمور . كبرت بعيني والله .
أنا : تسلم .
الغريب أني لا أتذكر الموقف الذي يتحدث عنه , وأعتقد أني لا أجرؤ أن أتحدث مع عمي الكبير بهذه الطريقة إلا إذا كان تعليقاً على الخبر وليس لأنه يريني الخبر والأكيد إني سأقولها مازحاً . المضحك بالأمر أن هذه الجملة أصبحت لزمة السيد ميم لمدة شهر . تقول له والدته خذني إلى السوق فيقول لها أنا ما ألتفت لسفاسف الأمور خلي أحد ثاني يوديك , يقول له أبوه إذهب إلى المكان الفلاني فيقول اسمحلي يبه أنا ما ألتفت لسفاسف الأمور . وفي مرة كنا نشرب القهوة إلتفت إلىّ بلا مقدمات وقال : منصور تصدق ؟ أنا ترى ما ألتفت لسفاسف الأمور .
* ملاحظة : أفكار السيد ميم الواردة في هذه الحوارات لاتعبّر عني بالضرورة P:
كمية الصدق والعفوية في الاحاديث الجميلة تخلدها : )
قبل كم يوم فتحت جهاز الكمبيوتر وجلست اقرأ محادثات مسنجرية مع اخواتي وصديقتي في فترة غيابي عن منزلنا، ترمومتر للحالة النفسية واحداث العالم والمجتمع في تلك الفترة.
كنت اقراها وهم يسمعون وضحكنا لانه بظرف كم شهر تغيرت اشياء كثير.
تدوينتك هذي اعطتني فكرة لاسترجاعها وتدوينها ربما.
الله يخليكم لبعض (f)
ذكاء منك أنو ماتورنا إش رأيك بالكلام دا 🙂
حكاية القهوة وأسرائيل دي شبعنا منها مع أنو قرات شيء مرة عن ستاربكس مافيه حكاية يدعم وكدا وماهو أسرائيلي ولمن قلت لصحبتي قالت لي ياشيخه هم يدسون حقيقتهم متفشلين منفسهم وعشان يستنزفون جوبنا لووووووووول لاتعليق
بأنتظار باقي الأجزاء
تعرف !
أحيانا الحوارات العابرة أو الخفيفة تقدر توصل الأفكار بطريقة أفضل من أي خطبة أو مقال . واحس أحيانا إنها أصدق بكثير وأقرب ..
بس بصراحة يا منص …
الجزمة البيضا شي ( :
اقول لك على سر ,
لما تضيق الدنيا علي وافكار توديني وتجيبني ..
وادور على مكان للهدوء ، اجي مدونتك واقرى حتى الاشياء القديمة
والمدونات السابقه ..
كلامك وسردك للتفاصيل فيها شيء من الهدوء والطمأنينة والصدق ..
Farfalla
أهلين هيفاء , شكراً لك على كلامك اللطيف . الجد أنا كتبت الموضوع وحسيتني تندمت , كل شوي أقول أحذفه أو لا . ولما صحيت فتحت الجوال نويت أحذفه خلاص ولقيت ردك : )
أكيد سعيد فيك , وبإنتظار موضوعك . شكراً لك (F)
Mashael.M
أهلين فيك , أنا رأيي كنت أقوله بحواراتنا أنا وياه : )
أكثر من كذا وش أقول P:
اي حتى أنا أنغثيت من حكاية ستاربكس هذا , كنت أقول لأي أحد يقولي الكلام هذا إنت تعرف انجليزي ؟ اكتب للشركة واسألهم إنتم فعلاً تدعمون اسرائيل والاشياء هذي وشوف وش يردون ! حنا مجتمع ولايحب يتعب نفسه بأي شيء .. استهلاكيين بأبسط الأمور .
شكراً لك (F)
جبران
يا أهلاً فيك , هههه يمديك عالأناقة ؟ P:
اي فعلاً معاك حق .
شكراً لك (F)
أمل
أهلين يا أمل , ما أعرف وش أقولك والله .. يعني اطراءك أحسه كثير عليّ : )
والله يبعد عنك كل ضيقة ..
تحياتي لك (F)